يكفيني الصبر

وش تبي تسوي فيني ترا حبك سقاني الهم
ترا حبك وسط قلبي معذبني ومضنيني
أبات الليل في همي ونجم اسهيل يقلي نم
وكيف النوم يهنا لي كيف وهي باكر تجافيني
حكم بالحب اشقابه على طول المدى لونه دم
جرحتـني بصوت الحب وظنيتك تداويني
ظلام الشوق في عيني وفي قلبي وفيني عم
ظلام الشوق ماله حدود على طيفه حرقتيني
أكابر رغم موج الصد ومشواري ابد ماتم
اكسر قسوة الأمواج وأذوب غيضها فيني
أنا حبيت يا عمري والحب كله غم
أناحبيت من قلبي ومن باطن شراييني
ثقيل الظل قولي لها ابد ما صاب قلبي هم
وإذا قلبك يصد أحباب ترا صدك يداريني
يكفيني الآسي واليأس يكفيني الشقى والهم
يكفيني الصبر لا طال عليك الصبر يشقيني
أبرحل مع طريق الموت طريق الموت لي ارحم
وبكتب فوق نار الحب وداعك يا مجافيني